Friday , March 29 2024

Pokwang, kung saan-saan na nahipuan si Zanjoe

ni Roldan Castro

PLANTSA Queen kung ituring si Pokwang dahil sa mga eksena nila ni Zanjoe Marudo. May shoot sila na halos buong araw ay magkasama sila sa kama at na naka-boxers lang si Z at nakatangga naman si Pokwang.

Sey ni Zanjoe, ”Noong tumagal, wala nang pakialamanan, eh. Kahit mauntog na, matamaan na, masipa na ‘yung kung ano-ano.”

Kung saan-saan daw dumapo ang kamay ni Pokie kay Z. Pagbibiro niya, kasama raw sa script, idinagdag niya.

“Plantsa-plantsa!” sambit ng komedyana.

“Plantsa lang naman, wala namang masama. Naplantsa ko lang!” hirit ni Pokwang.

Kumusta ang ‘pamamlantsa’ niya?

“Keri, keri! Ha! Ha! Ha!” tugon niya sabay tawanan.

Loveless daw ngayon si Pokie pero gusto pa rin niyang magkaroon ng boyfriend.

“Pagka-graduate ng anak ko… kinabukasan rarampa ako,” sey ni Pokwang.

“In fairness sa anak ko, sabi lang niya, ‘Make sure ‘di ka na sosyonga-syonga, ha?, baka mamaya palpak ang makukuha mo, kagaya nangyari before’.

“Pero siyempre ako… actually kapag nakikita kong nagsasalita ang anak ko sa akin ng ganoon naeengganyo ako na maging mas matalino, mas maging matino sa pagpili.”

Naikuwento rin ni Pokie na gustong magpunta ng anak niya sa Japan,

“Nagulat lang lang ako, two  weeks ago, sabi niya ‘Ma, gusto kong pumunta ng Japan?’ Sabi ko, ‘Hintay muna.. kasi may U.S. tour kami nina Pooh, K Brosas, at Chokoleit ng October.’

“Masasama ko siya dahil sem break. Sabi niya sa akin, gusto raw niyang pumunta ng Japan, hopefully, end of this year naman.”

Okey lang kay Pokwang kung makita ng kanyang anak ang kanyang ama?

“Oo naman, at least buo ang pagkatao niya,” sey pa niya.

Boom patok!!

Outing ng PMPC sa Jeds Island Resort, natuloy na!

LAST week ay natuloy ang annual outing cum bonding ng mga miyembro ng Phil Movie Press Club (PMPC) sa pamumuno ng aming pangulo na si Fernan de Guzman. Ang venue ng aming outing ay ang Jeds Island Resort sa Calumpit, Bulacan.

Mainit na tinanggap ng Jeds Island Resort staff sa pamumuno ni Ms Beng ang aming grupo at binigyan kami ng sariling accommodation at private pool na tinatawag nilang Aguila Pool with matching Karaoke kaya walang humpay ng pag-awit ang ginawa ng mga miyembro.

Roon na rin nagkaroon ng awarding ceremonies ang mga winner ng PMPC Writing contest. Sa ganda at lawak ng Jeds Island Resort with 20 swimming pools ay hindi kami nagulat sa rami ng taong pumapasok at lumabas ng lugar for 24 hours operation nito. Kaya tuwang-tuwa ang mga miyembro sa experience nila inside the resort at malapit lang sa Metro Manila along Macarthur Highway sa Calumpit Bulacan.

Kaya kung pupunta kayo roon ay sulitin ninyo ang pagtampisaw sa mga pool nila at tumawag lang sa 02-299-8013,044-675-1672 or 044-320-0064.

Bukod sa Jeds ay gusto naming pasalamatan si Bulacan Vice-Governor Daniel Fernando, Talent Manager Popoy Caretativo at GMA Vice President for Entertainment Ms Marivin Arayata, atHataw publisher Jerry Yap.

About Roldan Castro

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *