Broadcaster todas sa ambush sa Or. Mindoro

PATAY ang isang radio broadcaster makaraan tambangan ng hindi natukoy na mga suspek sa Brgy. Lalud, Calapan City, Oriental Mindoro kahapon.

Kinilala ni Calapan City police chief, Supt. Vicerio Cansilao, ang biktimang si Nilo Bacolo, announcer sa DWIM sa Calapan.

Ayon sa pulisya, tinambangan si Bacolo malapit lamang sa kanyang bahay.

Isinugod sa Maria Estrella Hospital ang biktima ngunit binawian ng buhay habang nilalapatan ng lunas.

Patuloy pang iniimbestigahan ng mga awtoridad ang motibo sa pananambang. (B. JULIAN)