Joem, may pagka-relihiyoso (Ejay, dapat muling isabak sa action serye)

ni Vir Gonzales

MATAGAL nang pangarap ni Joem Bascon na maging isang action star. Matutupad naman ito sa pelikulang Bagong Dugo sa direction ni Val Iglesia.

Suwerte ni Joem, barako ang nagdirehe sa kanya sa isang action movie. Totoong suntok lalaki ang magiging laban niya at hindi umaarte lang. Mga batikang actor din ang sumuporta sa kanya tulad nina Monsour del Rosario, Dick Israel, at iba pa.

May ilang sexy scene si Joem, pero okey lang dahil matured na naman daw s’ya. Very religious si Joem na nadiskubre naming noong makasama siya sa out of town taping. Nagdarasal ito bago kumain.

Ejay, dapat muling isabak sa action serye

BAKIT bigla yatang nawala si Ejay Falcon sa sirkulasyon pagkatapos makasama noon sa concert abroad si Vice Ganda? Matagal din s’yang walang project.

Dapat isabak si Ejay ngayon dahil may potential maging action star at hindi puro kabaklaan lang na istorya.