Friday , March 29 2024

ABS-CBN, tanging kompanya mula ‘Pinas na nanalo ng Grand Stevie Award

ni Maricris Valdez Nicasio

WAGI ang ABS-CBN ng Grand Stevie Award sa prestihiyosong Asia-Pacific Stevie Awards bilang tanging kompanya mula sa Pilipinas na nakuha ng pinakamataas na parangal sa rehiyon na iginawad sa gala awards banquet nito kamakailan sa Seoul, South Korea.

Isang malaking karangalan ang Grand Stevie hindi lamang para sa ABS-CBN, kundi pati na rin sa buong bansa lalo pa’t ang Kapamilya Network ay isa sa limang natatanging kompanya sa Asia-Pacific region na nanalo nito. Ipinagkakaloob ito sa mga kompanyang may pinakamataas na nakuhang puntos mula sa limang bansang nagpadala ng pinakamaraming entries ngayong taon. Ang iba pang Grand Stevie Award winners ay nagmula sa Australia, Indonesia, South Korea, at Singapore.

Pinarangalan ang ABS-CBN para sa patuloy nitong paglilingkod sa mga Filipino sa loob at labas ng bansa, lalo na nang tumugon ito sa mga pangangailangan ng mga biktima ng bagyong Yolanda. Inilunsad ng ABS-CBN ang Tulong Na, Tabang Na, Tayo Na campaign na naglikom ng pondo sa pamamagitan ng Tulong shirts at ang star-studded na Tulong fund-raising concerts. Nagsagawa rin ang Kapamilya Network ng relief at rehabilitation para sa mga nasalanta ng bagyong Pablo, krisis sa Zamboanga, at lindol sa Bohol.

“Pinaglilingkuran ng ABS-CBN ang mga Filipino sa nakalipas na 60 taon sa pamamagitan ng paghahatid sa kanila ng mga balita at mga programang nagbibigay sa kanila ng inspirasyon at kapangyarihan sa iba’t ibang platforms. Ito ang tangi naming tungkulin—ang paglingkuran ang lahat ng Filipino saan man sila sa mundo,” ani ABS-CBN president at CEO Charo Santos-Concio, na ibinahagi rin ang tagumpay sa lahat ng mga empleado ng ABS-CBN na walang sawang naghahatid ng serbisyo publiko.

Sa nasabing parangal, personal na tinanggap ni Santos-Concio ang Gold Stevie Awards ng ABS-CBN para sa Services Company of the Year category para sa Pilipinas at sa Woman of the Year category naman para sa lahat ng bansa sa Asia-Pacific region (maliban sa Australia at South Korea).

“Ikinagagalak kong maging kinatawan ng lahat ng masisigasig na kababaihan sa Pilipinas at maging isa sa pinarangalang women leaders at awardees ng Asia-Pacific Stevie Awards. Araw-araw akong nagpapasalamat sa pagkakataong pamunuan ang ABS-CBN at paglingkuran ang mga Filipino,” giit pa ni Concio.

Kinilala naman si Santos-Concio sa kanyang pamumuno sa ABS-CBN, dahilan ng patuloy nitong pamamayagpag sa TV ratings at ang pagpalo sa takilya ng mga pelikula ng Star Cinema, pagtaas ng kita ng kompanya, at pagsabak nito sa ibang negosyo gaya ng ABS-CBN mobile, ang theme park na Kidzania Manila, at TV home shopping channel na O Shopping, at ang patuloy nitong pagbibigay ng serbisyo-publiko.

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *