Friday , March 29 2024

Sheryn, inire-reklamo ng dating dyowang babae

ni Maricris Valdez Nicasio

HINDI na aktibo bilang singer si Sheryn Regis pero usap-usapan ang umano’y pagkakaroon nito ng karelasyong babae. Totoo kaya ito? Kasunod nito’y ang pagrereklamo ng kanyang nakarelasyon na umano’y niloko niya matapos kuwartahan ay iniwan na lang?

Ayon sa isang very reliable source, isang Emy Madrigal ang umano’y naging dyowa ni Sheryn (bukod sa may asawa ito) na nagsimula ang relasyon nila noong 2005 pa. Mabait at mapagbigay daw si Emy kaya naman lahat daw ng luho ni Sheryn ay ibinibigay nito.

Pero laking gulat ni Emy nang unti-unti’y nagbabago ang tinaguriang Crystal Voice of Asia. Hindi na raw kasi nito sinasagot ang tawag o text ni Emy pero kapag may kailangan daw nhaman si Sheryn doon ito nagpaparamdam. Hanggang sa nalaman ni Emy ang dahilan ng pagbabago ni Sheryn, umano’y may bago na uli itong karelasyon. Karelasyon daw ni Sheryn ang isang babae rin na kamag-anak naman daw ng asawa ng singer.

Napag-alaman pa ni Emy na taong 2007 pa may relasyon si Sheryn sa pinsan ng asawa niya at sa isa sa bahay niyon nakatira ang pamilya ni Sheryn.

Ayon daw kay Emy, umabot na sa P80,000 ang mga load pa lamang na hinihingi sa kanya ni Sheryn na nangako raw itong ibabalik o babayaran gayundin ang mga bagay na naibigay sa kanya.

Subalit alumpihit si Emy kung paano maibabalik ang halagang iyon ni Sheryn sa kanya dahil narito ngayon sa ‘Pinas si Sheryn at ang mga bagay na sinasabing ibinigay niya ay nasa States. Kaya ang tanong ni Emy, “Kailan niya maibabalik?”

Sinabi ni Emy, na nagsasalita siya ngayon dahil ayaw niyang may iba pang maloko si Sheryn dahil magaling daw itong magsalita.

Totoo kaya ang mga ibinibintang na ito ni Emy kay Sheryn?

Bukas ang aming pahina sa anumang pahayag ni Sheryn.

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *