Friday , March 29 2024

So kampeon sa Capablanca tourney

NALAMPASAN ni Pinoy super grandmaster Wesley So ang 10th at final round kahapon upang sungkitin ang titulo sa naganap na 49th Capablanca Memorial 2014 sa Havana, Cuba.

Hindi nagtagal sa upuan si 20-year old So (elo 2731) dahil isang mabilis na draw ang naging labanan nila ni GM Zoltan Almasi (elo 2693) ng Hungary.

Umabot lang sa 12 moves ng Nimzo-Indian defense ang bakbakan nina So at Almasi.

Nakaipon si So ng 6.5 points sa event na may six-player double round robin format.

“Masaya po ako sa pagkakapanalo ko kaya salamat sa mga sumuporta sa akin,” ani So na nag-aaral sa Webster University sa America.

Si So ay ginagabayan ng kanyang female coach na si GM Susan Polgar sa kanyang mga international tournaments.

“Malaking tulong sa akin si coach marami siyang naituro sa akin,” saad ni So.

Sinungkit ng dalawang Cuban GMs na sina Batista Lazro Bruzon (elo 2682) at top seed Leinier Perez Dominguez (elo 2768) ang second at third place matapos ilista ang 5.5 at 5 puntos ayon sa pagkakasunod.

Nagkasundo sa draw ang magkababayan sa final round matapos ang 33 sulungan ng Nimzo-Indian habang naghati rin sa isang puntos sina GMs Vassily Ivanchuk (elo 2753) ng Ukraine at Francisco Pons Vallejo (elo 2700) ng Spain sa kanilang 28 moves ng French.

Parehong tumapos ng 4.5 puntos sina Almasi at Vallejo subalit tinanghal ng fourth place ang una.

Kulelat naman si Ivanchuk na may 4 puntos.

Samantala, inaasahang aakyat sa world rangking si So kapag nilabas na ng FIDE ang elo ratings ng mga active chess players sa susunod na buwan.

(ARABELA PRINCESS DAWA)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *