13-anyos nanghiram ng bike binugbog

Kalaboso ang garbage collector dahil sa pananakit sa 13-anyos lalaki sa Lucena City.

Kinilala ang akusadong si Ronilo Bagting Rastrullo, 42, residente ng Capitol Homesite Subd., Brgy. Cotta.

Sa ulat ng pulisya, nagreklamo ang ina ng 13-anyos na inabuso ng suspek.

Gamit umano ng anak ang bisikleta ng suspek nang pagsalitaan ng masasakit at pinaghahampas ng kawayan.

Nagkapasa at latay sa iba’t ibang parte ng katawan ang biktima bunsod para ireklamo ng ina ang suspek.

Nahaharap ang suspek sa kasong paglabag sa Republic Act 7610 (anti-child abuse law) .

(Beth Julian)