Friday , March 29 2024

Greta, deadma sa mga bagong patutsada ni Claudine

ni  Ed de Leon

TAHIMIK na tahimik si Gretchen Barretto sa mga patutsada ng kanyang kapatid na si Claudine, na nagsasabing ang mga kaso na isinampa laban sa kanya ng mga katulong na una niyang pinagbintangang nagnakaw ay pakana ng asawa niyang si Raymart Santiago at ng kapatid na si Gretchen. Pero siguro nga naisip ni Gretchen na wala naman siyang dapat ipaliwanag. Maliwanag naman kung ano lamang ang kanyang naging participation sa mga pangyayari.

Nabalitaan lamang niya na ang isang katulong dati ni Claudine na si Dessa Patilan ay nakakulong na ng 10 buwan sa city jail dahil sa bintang na pagnanakaw ni Claudine. Walang nag-aasikaso roon dahil wala na ngang malapitang kaanak. Nakarating din kay Gretchen na minsan ay tinangka na niyong mag-suicide dahil nawalan na nga ng pag-asa, nakulong pa.

Iyon lang naman ang dahilan kung bakit naawa si Gretchen at tinanong ang kaibigan niyang abogado, si Atty.Alma Mallonga, kung maaaring matulungan si Patilan ng walang bayad, dahil wala namang ipambabayad iyon. Siguro nga noong una, binigyan iyon ng abogado mula sa PAO, kagaya ng karaniwang nangyayari sa mga nadedemandang walang pambayad, pero tumagal nga ng 10 buwan sa city jail, ibig sabihin napabayaan.

Naawa rin naman si Mallonga at tumulong, pero kailangan ng pampiyansa. Nagpahiram si Gretchen ng pampiyansa. Pahiram dahil maibabalik din naman iyon pagkatapos ng kaso. Ang sinasabi nga ni Gretchen, walang ibang motibo na nagtulak sa kanya para gawin iyon kundi awa, after all naniniwala siyang walang sino mang tao na kailangang dumanas ng ganoong treatment, lalo pa nga’t hindi pa naman napaptutunayan kung may kasalanan nga iyon.

Ngayon nga ay nagkaroon ng pag-asa si Patilan. Pansamantala siyang nakatira sa isang halfway house habang hinihintay na matapos ang kasong isinampa laban sa kanya. At least hindi na siya nakakulong. At least mas maayos na ang kanyang kalagayan. Iyon lang naman ang sinasabi ni Gretchen na gusto niyang mangyari. Wala naman siyang pakialam kung ano man ang kalabasan ng kaso.

Lalo namang wala siyang pakialam sa kasong isinampa ng dalawang iba pang katulong ni Claudine laban sa dati nilang amo. Bakit pa nga ba magsasalita si Gretchen?

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *