Friday , March 29 2024

Kia interesado kay Pacquiao

MAG-UUSAP sa susunod na linggo ang Pambansang Kamao na si Manny Pacquiao at  mga opisyal ng Kia Motors tungkol sa plano niyang maglaro sa PBA sa susunod na season.

Sa panayam ng People’s Television 4 noong isang araw, sinabi ng adviser ni Pacquiao na si Buboy Fernandez na pag-uusapan ng dalawang partido tungkol sa paraan kung paano makakapaglaro si Pacquiao sa baguhang koponan.

Matatandaan na tinanggap ng PBA ang Kia, kasama ang North Luzon Expressway at Blackwater Sports, bilang mga expansion teams ng liga.

Naunang sinabi ni PBA Commissioner Chito Salud na kailangang dumaan sa rookie draft si Pacquiao kung nais siyang maglaro sa PBA.

Ang mga problemang hinaharap ni Pacquiao kapag nakapasok na siya sa PBA ay ang edad niyang 35 at ang taas niyang 5-6, bukod sa kanyang pagiging kongresista at boksingero.

Sinabi naman ni PBA media bureau chief Willie Marcial na tuloy ang pagbuo ng Kia ng kanilang koponan sa PBA kahit tila tahimik ang nasabing kompanya ng kotse.

“Eh kasi ganoon naman talaga ang kultura ng Kia, hindi basta-basta nagsasalita hangga’t hindi pa settled ang lahat. Maingat talaga sila,” ani Marcial sa panayam ng www.spin.ph.

Ayon naman sa isang taga-Kia, aayusin nito ang magiging komposisyon ng coaching staff at management team sa susunod na linggo.

Nais ng Kia na kunin si Leo Austria bilang head coach.         (James Ty III)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *