HATAW! D'yaryo ng Bayan hatawtabloid.com
NAGLALARO ba ng ‘PAHULAAN’ sina Justice Secretary Leila De Lima at Rehabilitation Czar Ping Lacson sa isyu ng gov’t officials at lawmakers na sangkot sa multi-billion pork barrel scam batay sa affidavit ni Janet Lim Napoles?
Sa mga lumabas na panayam kasi sa media, umaastang ‘CHECKER’ si rehab Czar Ping Lacson.
Kapag ini-sanitized daw ni Madam Leila ‘yung affidavit ni Napoles ‘e ilalabas daw niya ‘yung affidavit na naunang ini-execute sa kanya ng pork barrel scam queen.
Ang ipinagtataka natin, bakit bigla naman ‘ngumangawa’ si Senate President Franklin Drilon?
Biglang nilinis ang pangalan niya. Hindi raw siya ‘yung tinutukoy na Senador na malaki pa ang kinita kina Sexy, Pogi at Tanda.
‘E bakit siya ang pumipiyok?
Siya ba ang tinutukoy na Senador?
Habang si Senator Miriam Santiago naman ay nagbanta agad na huwag daw siyang maisali-sali sa mga lawmakers na sinasabing sangkot sa pork barrel.
Tsk tsk tsk …
‘Yan na nga ba sinasabi natin, dapat ‘e ilabas na ‘yang ‘LISTAHAN’ na ‘yan ng mga MAMBABATAS na sangkot sa eskandalong ‘yan nang matahimik na ang iba pang ‘pinaghihinalaan.’
Para huwag na rin magamit sa politika ‘yang isyu na ‘yan.
‘Di ba Secretary Leila De Lima?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
