Thursday , March 28 2024

District Director hotline vs krimen, sugal inilunsad sa Maynila

INILUNSAD ng Manila Police District(MPD) ang direct hotline kontra illegal na aktibidad katulad ng mga krimen at sugal sa lungsod ng Maynila.

Ilang araw pa lamang makaraan ipamahagi ang calling cards ng “Direct hotline” sa opisina ni MPD District Director Chief Supt. Rolando Asuncion ay marami na ang nagparehistro at nakiisa sa makatotohanang adhikain at programa ni Asuncion para sa pagsugpo sa kriminalidad sa kanyang nasasakupan.

Layunin ng inilunsad na direct hotline ni Gen. Asuncion ay upang direktang makatawag sa kanya at sa kanyang opisina ang mga rehistradong card holder ng kanyang calling card para maimpormahan ang pulisya ukol sa mga nangyayari sa Maynila.

Ayon kay Gen. Asuncion, maaaring tumawag sa nakatalang numero sa kanyang ipinamimigay na registered calling card sakaling may mga sumbong ukol sa ilang illegal na aktibidad gaya ng paggamit at bentahan ng droga, illegal na sugal na kadikit ang isyu ng “police kotong.”

Bukas din ang District Director’s Direct Hotline (DD-DH) sa ano mang suhestyon kung paano mapaiigting ng mga pulis ang pagsugpo sa kriminalidad sa lungsod para sa peace and order sa komunidad.

Makakukuha ng District Director’s Direct Hotline card sa ano mang police station o presinto sa Maynila at sa MPD HQ-D5 ngunit dapat iparehistro ang personal identification upang maitala ang pagkatao ng kukuha ng card na magsisilbing civillian registered informant kontra kriminalidad.

Nabatid na ilang tiwaling pulis ang utak ng mga pasugalan at ilang nagpapakilalang bata o tauhan ng ilang politiko ang nagsisilbing protektor at tongpats sa illegal gambling activities.

Kasabay nito, inatasan ni Asuncion ang mga hepe ng bawat presinto sa lungsod na maging alerto sa bawat tawag na kailangang tugunan o ano mang police assistance na kinakailangan ng mga sibilyan.

Habang hinuhukay ng MPD District Intel Division (DID) sa pamumuno ni Supt.Villamor Tuliao katuwang ang PNP-INTEL Family, ang iba pang illegal activities sa lungsod lalo na ang kinasasangkutan ng mga tiwaling personnel ng PNP/MPD upang “kalusin” ang nababansagang “bulok na kamatis” na pasimuno ng illegal na sugal at ilang kotong na mga tauhan ng mga politiko na tongpats sa mga iligalista sa lungsod.

Idinagdag pa ni Gen. Asuncion, mahigpit niyang ipatutupad “one strike policy” sa sino mang pulis na irereklamo sa direct hotline.

Aniya, kapag napatunayan ang reklamo ay agad niyang ipasisibak bilang pagsuway sa kanyang direktiba.

(BRIAN GEM BILASANO)

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *