Friday , March 29 2024

1 patay, tserman, 9 pa sugatan sa 2 sunog (4,000 pamilya homeless)

MAHIGIT sa tatlong 4,000 pamilya ang nawalan ng tirahan habang isa ang patay at 10 ang sugatan, kabilang ang isang barangay chairman,  nang tupukin ng apoy ang kanilang mga tirahan sa magkahiwalay na sunog sa  Caloocan at Malabon, kamakalawa.

Sumiklab ang sunog  dakong 5:00 p.m.  kamakalawa ng hapon sa Maria Clara St., 2nd Avenue East, BMBA Compound Brgy. 120 Caloocan City, na itinaas sa Task Force Delta dakong 7:00 p.m.

Sa ulat, patay ang isang Ricky, 46-anyos, ng nasabing lugar, habang nalapnos ang katawan nina Cristina Navarro, Lea Cua, Alan Pineda at Brgy. 120 Chairman Antonio Duran,  na pawang nahirapan din huminga dahil sa kapal ng usok.

Tinatayang 3,000 pamilya ang apektado ng sunog  na umabot sa mahigit limang oras bago naapula na sinasabing nagmula sa bahay ng isang Jojo Esperida hanggang madamay ang mga kalapit na Barangay 118 at 119.

Nagresponde ang mga bombero pero  nahirapan silang makapasok sa lugar dahil sa sikip ng mga kalsada.

Samantala,  sumiklab ang isa pang sunog dakong  12:30 a.m. sa Perez St., Brgy. Tonsuya, Malabon City na naapula  dakong 5:00 a.m.

Kinilala ang mga sugatang sina Virginia Baldebiso, 66; Domingo Baldebiso, 67; Antonio Sidayon,76; Severino Trempo, 70; Janno Criss Baldebiso, 22; Rinty Marquez, 19-anyos at isa ang nawawala na pinaniniwalaang lumubog sa maburak na ilog nang tumalon doon  dahil sa takot.

Dalawandaang kabahayan ang naabo at mahigit sa 1,000 pamilya ang nawalan ng tirahan at ari-arian.

Samantala, naabo ang ilang tindahan ng mga surplus appliances malapit sa Gate 4, Port Area, Maynila, iniulat  kahapon.

Ayon kay Fire Inspector Generoso Juico, sub-station commander ng Arroceros Fire Station, nagsimula ang sunog dakong 11:30 a.m. sa  tindahan ng mga second-hand refrigerators sa  Roberto Oca St., Port Area.

Sinabi ni Juico, sa shop ng isang kinilala sa pangalang Rashid, nagsimula ang apoy at gumapang  sa mga kalapit na establisyemento  sa pagitan ng Philippine  Red Cross (PRC) annex at  Manila Police District Traffic Enforcement Unit.

Umabot sa ikatlong alarma ang sunog at nakontrol dakong 12:19 p.m. Hindi pa batid ang halaga ng mga napinsalang ari-arian.

(ROMMEL SALES/ LEONARDO BASILIO)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *