Friday , March 29 2024

Angeline, mapanira ng loveteam! (Pilit na iniuugnay na naman ang sarili kay Coco)

ni  Maricris Valdez Nicasio

DINAGSA ng napakaraming fans nina Kim Chiu, Julia Montes, Jake Cuenca, at Coco Martin ang matagumpay na album launching ng Ikaw Lamang noong Linggo sa Trinoma Activity Center.

Bukod sa mga bidang sina Kim, Julia, Jake, at Coco na dumalo para pasayahin ang napakarami nilang fans sa launching ng soundtrack, nagbigay naman ng kani-kanilang awitin sina Erik Santos, Angeline Quinto, Jovit Baldivino, at Marion Aunor. Ang IkawLamang Official soundtrack ay produksiyon ng Star Records, na  ang mga theme songs ng pinakamamahal na karakter ng teleserye nina Samuel (Coco), Isabelle (Kim), Mona (Julia) at Franco (Jake). Bahagi ng track list ang Ikaw Lamang ni Gary Valenciano, Panaginip ni Erik,  Somewhere ni Angeline, Sa Aking Pag-iisa ni Juris, Pangako ni Jovi, Pers Lab” ni Marion, at ang bersiyon ni KZ Tandingan ng Somewhere.

And speaking of Angeline, naloka kami sa singer matapos itong kumanta at kapanayamin ni DJ ChaCha. Hiningan ni DJ ChaCha ng mensahe si Angeline para sa Ikaw lamang artists particular na si Coco. At siyempre, ayun na may-i-arte na naman si Angeline na parang pusang ‘di maihi.

Tila gusto na naman niyang i-link ang sarili kay Coco at may-i-sing siya ng “kunin mo na ang lahat sa akin.” Mabuti na lang at maagap si DJ ChaCha at agad natigil ang pagnanasa o imahinasyon ni Angeline na iugnay uli ang sarili kay Coco.

Hello, Angeline, sirain ba ang loveteam nina Kim at Coco?! Eh, serye nilang dalawa iyon tapos heto’t eeksena ka ng hindi maganda! Sina Coco at Kim ang ipino-promote roon. Hindi ka kasali! Ano ‘yun?!  Kaya hindi ako nagtaka kung may biglang nag-react nang gawin ni Angeline ang arteng iyon.

Ewan ko ba naman dito kay Angeline. Hindi pa rin siya tumitigil sa pagsasabing gusto niya si Coco eh, natatandaan ko noon, umarte siya sa amin ni katotong Vinia Vivar nang iinterbyuhin sana namin siya ukol kay Coco. Sinabi nitong ayaw na niyang pag-usapan pa ang tungkol doon. Pero heto’t umaariba na naman siya sa kanyang imahinasyon.

Naku, Angeline, kumanta ka na lang okey?!

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *