PINANINIWALAANG nalansag ng mga awtoridad ang sindikato na nagbebenta ng pekeng pera makaraan maaresto ang dalawang miyembro nito sa police sting operation sa Taguig City.
Ayon sa Philippine National Police’s Criminal Investigation and Detection Group kahapon, ang dalawang suspek ay nadakip habang nagbebenta ng 100 piraso ng pekeng P500 bills sa C5 Road, Phase 2, Taguig City.
Kinilala ang mga nadakip na sina Violeta Bendijo at Virgilio Bocaba.
Sinabi ni CIDG Anti-Organized Crime Division head, Supt. Alexander Tagum, nakatanggap sila ng anim pekeng pera sa iba’t ibang denominasyon nitong Pebrero.
Isinumite ng team ang bills sa Currencies and Communication Division ng Currency Issue and Integrity Office para masuri, at nabatid na peke ang nasabing pera.
Sina Bendijo at Bocaba ay kinasuhan sa Taguig City prosecutor’s office ng “illegal possession and use of false treasury or bank notes and other instruments of credit.”