Friday , March 29 2024

Top communist leaders timbog (Chairman, asawa arestado sa Cebu)

032314_FRONT

MANILA, Philippines—Naaresto ng mga operatiba ng military intelligence ang kinikilalang Chairman ng Communist Party of the Philippines (CPP) na si  Benito Tiamzon at ang asawa niyang si Wilma, kasama ang 6 pang matataas na opisyal ng central committee at ng armadong New People’s Army,  sa Carcar, Cebu, kahapon ng hapon.

Hindi agad naberipika ng mga awtoridad kung ang isa sa mga kasama ni Wilma ay ang asawang si Benito Tiamzon, chairman ng CPP-NPA.

Sa pagkakadakip sa lalaking Tiamzon, naniniwala ang militar na malaking dagok ito sa kilusang komunista.

“We are still establishing if it is indeed Benito Tiamzon,” ayon sa sourece na hindi nagpabangit ng pangalan.

Kung sakaling si Benito Tiamzon nga ang nasakote ng mga military, ito’y isang malaking dagok sa nasabing kilusan , ayon pa sa source.

Ayon sa source, ang 3 lalaki at 3 babae na nadakip kasama ni Tiamzon ay mga kasapi rin ng  CPP central committee.

Ayon sa balita, nasa dalawang sasakyan ang grupo nina Tiamzon nang sila’y arestohin ng mga militar dakong 3:10 p.m.

Sinasabing hindi tumutol ang mga naarestong mga lider ng CPP-NPA.

Samantala, hindi ibinunyag ng source kung nasaan ang mga nahuli para sa seguridad umano ng grupo.

Anang source, ang pagkahuli sa mga miyembro ng Central Committee ng CPP ay ang pinakamatagal nang operasyon ng militia.

Noong Sabado, ipinagdiwang ang ika-117 anibersaryo ng pagkatatag ng Philippine Army,  na nagunguna sa operasyon para lusawin ang mga komunistang grupo matapos ang World War II.

Ang anibersaryo ng  Army ay ginanap kahapon ng umaga  sa Army Headquarters sa Fort Bonifacio, na dinaluhan ng lahat ng  high-ranking security officials, sa pangunguna ni Defense Secretary Voltaire Gazmin at Armed Forces chief of staff Gen. Emmanuel Bautista.

Ani Army chief Maj. Gen. Hernando Iriberri, sa kanyang talumpati, patungkol sa pagkakahuli sa grupo ni Tiamzon ay isang mahalagang karangalan para sa  internal na operasyong  panseguridad ng Army.

Sina Benito at Wilma ang matagal nang kinokonsiderang mas ma-impluwensiyang lider komunista  kompara kay Jose Ma. Sison, ang tagapagtatag ng Maoist-inspired CPP at National Democratic Front, na humalili sa kilusang komunista kasunod  ng pagbagsak ng  Marxist-oriented Partido Komunista ng Pilipinas.

Samantala, sa isa pang  mensaheng  ipinadala sa media ng  Intelligence Service ngArmed Forces of the Philippines, kinompirmang si Benito Tiamzon, ang CPP chairman, at ang kanyang misis na si  Wilma,  ang umano’y financé officer ng  nasabing grupo, ang naaresto  kasama ang 4 pa, sa isang  Starex van at Toyota Innova sa Barangay Aluginsan, Carcar.

Ang operasyon ay sa ilalim ng pinagsanib na pwersa ng Intelligence Service Group of the Philippine Army, ISAFP, PNP Criminal Investigation and  Detection Group at ang Carcar local police, anang mensahe.

Sa bisa ng isang warrant, hinuli ang mga Tiamzon sa kasong  murder at frustrated murder na inilabas ng Regional Trial Court Branch 31 sa Laoang, Samar.

Ang mag-asawa ay dinala sa Central Command ng militar.

HATAW News Team

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

Leave a Reply

Your email address will not be published. Required fields are marked *