Pulis pinana, kagawad sinaksak, amok na lolo utas sa parak

PATAY ang 59-anyos lolo nang manlaban sa mga pulis na aaresto sa kanya makaraang magwala at saksakin ang kagawad at panain ang isang pulis sa Brgy. San Martin 1, San Jose Del Monte City.

Binawian ng buhay habang nilalapatan ng lunas sa pagamutan ang suspek na si Eddie Martinez, residente ng Purok 3, Brgy. San Martin 1 sa naturang lungsod. Nakaratay sa ospital ang mga biktimang si Kagawad Antonio Francisco, Jr., may saksak sa hita, at PO1 Ed Cacayurin, ng San Jose Del Monte City PNP, tinamaan ng pana sa dibdib.

Sa ulat ni Supt. Joel Estaris, hepe ng pulisya sa nasabing lungsod, 4 p.m. kamakalawa nang magresponde ang kanyang mga tauhan kaugnay sa pagwawala ng suspek.

Ngunit sinalubong sila ng pana na agad tinamaan si Cacayurin habang si Francisco ay sinaksak ng suspek.

Sinikap nilang sawatain ang suspek ngunit lalong naging bayolente kaya napilitan ang mga pulis na siya ay barilin na kanyang ikinamatay

(DAISY MEDINA)