TALAGANG desidido si Anne Curtis na maging magaling na Dyesebel tulad ng tinuran niya noong ipakilala siya ng Dreamscape Entertainment ng ABS-CBN2 na siya ang gaganap sa fantasy series.
Napag-alaman namin mula sa kanyang Instagram account at sa www.abscbnnews.com na nagte-train na siya ng tamang paglangoy tulad ng isang mermaid sa pamamagitan ng Philippine Mermaid Swimming Academy.
Aniya, “Day 2 of training with my coach Karla Fukui of the Philippine Mermaid Swimming Academy! I’ll tell you one thing, it certainly isn’t an easy thing to do BUT it’s loads of fun!!!” Kasama rin sa caption na ito ang picture niya at ng kanyang coach.
Sinabi noon ni Anne na gagawin niya ang lahat at mag-aaral siya ng fin swimming para maging iba ang level niya bilang Dyesebel. Dream come true kasi ito ng aktres kaya naman mangiyak-ngiyak siya nang malamang siya na nga ang gaganap na Dyesebel.
Last week, an emotional Curtis said landing on the role of Dyesebel is a dream come true for her.
Bale, magiging leading man ni Anne sina Gerald Anderson at Sam Milby. Kasama rin sina Dawn Zulueta na gaganap na ina niya, Ai Ai delas Alas, Zsa Zsa Padilla, Gabby Concepcion, Eula Valdez, at marami pang iba.
Maricris Valdez Nicasio