Friday , March 29 2024

Chot haharap sa PBA board (Problema sa Gilas tatalakayin)

PARA ayusin na ang problema tungkol sa paghahanda ng Gilas Pilipinas para sa FIBA World Cup na gagawin sa Espanya sa Agosto ng taong ito, imbitado ng PBA board of governors ang head coach ng national team na si Chot Reyes sa pulong nito sa Enero 30.

Sinabi ng tserman ng lupon na si Ramon Segismundo ng Meralco na naintindihan ng liga ang sitwasyon ni Reyes na nagsabing hindi sapat ang isang buwan para maghanda ang Gilas sa World Cup.

Bukod sa FIBA World Cup, lalaro rin ang Gilas sa Asian Games sa Incheon, Korea mula Setyembre 19 hanggang Oktubre 4.

“What’s clear is we have to make sure we have the best players in Barcelona (Spain) and Incheon and we want to maximize the preparation time,” ani Segismundo. “I think there is a commitment to help the core and we operate on the basis of the pool. Now, it’s the prerogative of the coach to tinker with the (Gilas) lineup. I think the team in (the FIBA-Asia men’s championships) Manila was an excellent team.”

Samantala, sinabi ng Executive Director ng Samahang Basketbol ng Pilipinas na si Renauld “Sonny” Barrios na kailangan ng Gilas ng dalawang buwan para maghanda sa World Cup lalo na ito ang unang pagkakataon na lalaro ang Pilipinas sa torneo pagkatapos ng halos tatlong dekada.

“MVP (pangulo ng SBP na si Manny V. Pangilinan) does not want Gilas to be tourists in Spain,” ayon kay Barrios sa forum ng Philippine Sportswriters Association (PSA) kahapon sa Shakey’s Malate. “Our target is to win two games and move to the second round. It’s doable depending on the group that we get drawn. Naintindihan ko ang PBA na hindi madali para sa kanila na baguhin ang schedule nito for the training of Gilas pero it’s not everyday that we get the chance to play in a prestigious tournament like the FIBA World Cup.”

Idinagdag ni Barrios na si Reyes mismo ang ipapadala ng SBP sa Espanya para maging kinatawan ng Pilipinas sa bunutan sa World Cup, kasama ang team manager ng Gilas na si Aboy Castro.

(James Ty III)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *