Friday , March 29 2024

Jake, bongga ang pagba-bading! (When The Love is Gone, Graded A ng CEB)

MASAYANG ibinalita ng pamunuan ng Viva Films na nabigyan ng Graded A ang kanilang bagong handog na pelikula, ang When The Love Is Gone ng Cinema Evaluation Board (CEB). Ito ay pinagbibidahan nina Cristine Reyes, Andie Eigenmann, Jake Cuenca, Gabby Concepcion, at Alice Dixson.

Naimbitahan kami sa premiere night ng pelikula at naaliw kami sa galing ng arteng ipinakita nina Jake at Thou Reyes. Ginagampanan ni Jake ang role ni Yuri, ang klosetang asawa ni Cristine. Si Thou naman ang assistant ni Cristine sa kanyang shoe business.

Unang ratsada pa lamang ni Jake sa screen, hinangaan na agad namin ang simpleng pag-arteng ipinakita niya bilang kimi at tagong beki. Kailangan niyang hindi ipahalata na bading siya dahil may asawa siya (Cristine) bukod pa na isa siyang politiko.

Maayos na naiarte ni Jake ang kanyang role, ang tanong lang ng ilang mga kapatid sa panulat ay kung sino raw kaya ang naging peg ng actor sa pagganap bilang beki sa pelikula? Hindi naman ito ang unang pagkakataong gumanap na bading si Jake pero talagang mahusay na actor si Jake. Anumang role ang ibigay sa kanya, nagagampanan niya ng tama.

Bongga rin ang pagbabading ni Thou gayundin ang mga linyang binibitiwan niya.

Sa kabuuan, ang mga linyang ibinabato ng mga actor ang bongga na hindi naman kataka-taka dahil ang pelikulang ito’y remake o base sa classic movie na Nagalit Ang Buwan Sa Haba Ng Gabi na idinirehe noon ni Danny Zialcita.

Ang When The Love Is Gone ay bilang 32nd anniversary presentation ng Viva Films at tribute ni Boss Vic del Rosario kay Direk Danny.

Palabas na ito sa mga sinehan at magkakaroon ng international screening simula December 6 sa LA, San Francisco, San Diego, Las Vegas, Virginia, Texas, Arizona, Nevada, Washington, at Hawaii.
Maricris Valdez Nicasio

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *