HATAW! D'yaryo ng Bayan hatawtabloid.com
NAGBIGTI ang isang lalaki matapos ang mainitang pakikipagtalo sa menor de edad na live-in partner sa Brgy. Ibaba, Malabon City.
Patay nang idating sa Pagamutang Bayan ng Malabon (PBM) si James Bryan Soledad, 18-anyos, quality control ng Liwanag Candle at naninirahan sa #112 Dulong Herrera St., Brgy. Ibaba ng nasa-bing lungsod.
Sa imbestigasyon nina PO3 Jun Belbes at PO1 Benjamin Sy, Jr., dakong 7:30 ng umaga nang matagpuan ang biktima na nakabigti sa loob ng kanilang bahay.
Ayon sa ulat, nakita ng kanyang inang si Eloida Soledad, 44, na nakabigti si James Bryan, gamit ang nylon cord na itinali sa biga ng kanilang bahay.
Ayon sa report, bago ang insidente ay narinig na nakikipagtalo ang biktima sa live-in partner na si Elaine Abrasaldo sa hindi malamang dahilan na labis umanong dinamdam ng biktima.
(ROMMEL SALES)
