Friday , March 29 2024

Apology sa PH bago sa HK

NANAWAGAN ang People’s Movement for the Rule of Law and Propriety (PMRLP) kay pinatalsik na pangulo, sentensiyadong mandarambong at ngayo’y Manila Mayor Joseph “Erap” Estrada na sa sambayanang Filipino muna humingi ng kapatawaran sa pandarambong sa kaban ng bayan bago atupagin ang paghahatid ng apology ng Maynila sa Hong Kong kaugnay sa 2010 Luneta hostage crisis.

“Pinatunayan ng Sandiganbayan matapos ang anim na taon paglilitis na guilty sa kasong pandarambong si Erap noong 2007 ngunit hanggang ngayon ay hindi pa siya humihingi ng tawad sa atraso niya sa taong bayan kaya nakapagtataka ang kakaibang ‘concern’ niya sa paghingi ng apology sa Hong Kong, kahit wala naman siyang kinalaman sa Luneta hostage crisis,” ayon sa tagapagsalita ng PMRLP na si Peter Talastas.

Hiling pa ng PMLRP kay Erap, pagtuunan din ng sapat na atensiyon ang pagtalima sa desisyon ng Sandiganbayan sa kaso niyang plunder na pinababalik sa kanya sa kaban ng bayan ang P545.29 milyon na inilagak niya sa Erap Muslim Youth Foundation at P189 milyon idineposito sa Jose Velarde account, kasabay ng masigasig niyang pangongolekta ng kuwarta sa mga negosyanteng Filipino-Chinese para ibigay bilang compensation sa mga biktima ng Luneta hostage crisis.

Hinimok pa ng PMLRP ang Sandiganbayan na obligahin si Erap na tuparin ang lahat ng nakasaad sa kanilang hatol bilang patunay na ang anti-graft court ay naninindigan sa maayos na pagpapatupad ng batas sa ating bansa.

“Ang guilty verdict kay Erap sa kasong plunder ay isang malinaw na halimbawa na walang kinikilingan ang pagpapairal ng batas sa Filipinas. Ngunit mababalewala ang lahat ng pagsusumikap, lalo na ng media na nagsaliksik at nagbulgar ng katiwalian sa rehimeng Estrada kapag hinayaan na suwayin niya ang hatol ng Sandiganbayan,” giit ni Talastas.

Kombinsido ang PMLRP na napapanahon ang ‘paniningil’ ng sambayanang Filipino at Sandiganbayan kay Erap dahil magsisilbing inspirasyon sa adbokasiya kontra-katiwalian lalo na’t isasalang sa paglilitis sa kaso rin ng pandarambong ang ilang matataas na opisyal ng pamahalaan kaugnay sa pork barrel scam bunsod nang pagsisiwalat ng mga whistleblower na pawang mga ordinaryong mamamayan.

(PERCY LAPID)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *