Friday , March 29 2024

Jen, sobrang apektado ng hiwalayan nila ni Luis

NOONG nakaraang linggo ay pumutok sa blogsite ni DarlaSauler.com na hiwalay na sina Luis Manzano at Jennylyn Mercado na bagamat blind item ay halatang sila dahil sa clue na ang nanay ng aktor ay isang famous actress.

Kaagad namang sinagot nina Jen at Luis ang blind item na hindi totoo kaya’t kaagad namang kinorek ni Darla ang isyu.

Nang kunan din namin ng pahayag ng sandaling iyon si Luis ay sinabi niyang,”nope, siya pa ang date ko sa Aliw Awards.”

Pero nitong Miyerkoles ay muling pumutok ang balitang truliling hiwalay na talaga sina Luis at Jennylyn bagay na ikinataka namin dahil wala pang isang linggong pinabulaanan ng magdyowa ang isyu ay heto na naman.

Kaya kahapon ng umaga ay tinext naming ang manager ni Jennylyn na si Tita Becky Aguila at pagkalipas ng isang oras ay sinagot kami ng, ”true!”

Kaya tinawagan na lang namin ang manager ng aktres para mas malinaw ang usapan namin.

Say nga ni Tita Becky, ”yes it’s true, break na sina Luis at Jen last Monday (October 14) lang,” panimulang sabi sa amin.

At ng hingan na namin ng detalye si Tita Becky ay nakiusap na itong sina Jennylyn at Luis na lang ang tanungin namin.

“Reggs, it is better kung sina Luis at Jen manggaling ang reason kung bakit sila naghiwalay, kasi ayokong madamay and besides, I don’t meddle sa personal life ng mga artista ko, kaya sila na lang ang tanungin mo, please,” katwiran sa amin ng talent manager.

Sobrang naawa ngayon si Tita Becky sa alaga na itinuring siyang pangalawang ina dahil ramdam niyang sobra itong nasaktan.

“Naawa ako kay Jen, I feel for Jen now, Reggs, kasi I know how she truly loves Luis, in fact, magto-two years sila sa October 19 (ngayong araw).

“Sayang, akala ko sila na, kasi nakita ko kung gaano kamahal ni Jen si Luis, si Luis ang pinaka-matindi niyang break-up kasi mahal na mahal niya, mabait kasi si Luis.

“Nakita ko kung gaano rin kamahal ni Luis si Jen, in fact si Luis ang tagapagtanggol ni Jen sa intrigues, inalagaan niya si Jen at talagang nag-grow si Jen kay Luis kaya wala akong masabi kay Luis.

“Ang laki na ng ipinagbago ni Jen ngayon, Reggs, she really change a lot for Luis at malaki ang nagawa ni Luis sa kanya, naging positive ang outlook niya sa buhay,” paliwanag ni Tita Becky.

Nabanggit namin kay Tita Becky na kami rin akala namin ay sina Jen at Luis na dahil magkasundo sila sa maraming bagay at hindi nabalitaang nag-aaway at maging ngayong naghiwalay na ay wala pa ring negatibong lumalabas.

“’Yun nga, maganda ang relasyon nilang dalawa, tahimik, walang gulo and maski ngayong they parted ways, maayos, okay sila,” kuwento ni Tita Becky.

Posible pa kayang magkabalikan sina Luis at Jennylyn, ”I don’t know Reggs, hindi ako nakikiaalam and bakit nangyari? It’s God’s will na lang what’s next to happen,”  katwiran sa amin.

Dagdag pa, ”All I wish for Jen now is to be strong, at I’m sure malalampasan niya, ginagawa niyang busy ang sarili niya now para sa career at para kay Jazz (anak).”
Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *