Matansero tigok sa laslas at bigti

NAGPAKAMATAY sa pamamagitan ng paglalaslas ng pulso bago nagbigti ang isang 34-anyos  na lalaki sa Tondo, Maynila, kamakalawa.

Kinilala ni SPO1 Jonathan Moreno ng MPD homicide ang biktimang si Rodel Enriquez,  stay-in meat butcher (o matansero) sa Vitas Compound Slaughter House sa Vitas, Tondo.

Sa salaysay sa pulisya ni Esminda Escobar. 37, live-in  partner ng biktima, nakita niyang umi-inom ng alak (gin) ang  biktima bandang 5:30 ng hapon sa loob ng container van na ginawa nilang bahay sa lugar.

Nakaubos na ng isang bote ng gin ang biktima, nang kanyang napansin na nilaslas  nito  ang kanyang  braso gamit  ang isang blade.

Sinaway umano ni Escobar ang live-in ngunit   nagalit pa sa kanya saka pinalabas sa kanilang tirahan.

Matapos ang 15 minuto, bumalik aniya si Escobar  ngunit  siya ay nabigla nang tumambad sa kanya ang live-in partner na nakabitin na sa kisame ng kanilang bahay.

Isinugod sa Tondo Medical Center ang biktima ngunit idineklarang dead on arrival ni Dr. Tyrone Lalas.

(leonard basilio)