Friday , March 29 2024

Ai Ai, tama ang suhestiyong pumareha si Marian kina Lloydie at Coco (Para maiangat ng kaunti ang career ng aktres)

NATAWA kami roon sa sinabi ni Ai Ai delas Alas noong press conference nila ng Kung Fu Divas. Sabi niya, pinayuhan daw niya si Marian Rivera na gumawa ng pelikulang kasama si John Lloyd Cruz o kaya si Coco Martin, kasi tiyak na magiging malaking hit iyon, at sososyo raw siya sa producers niyon kung sakali, kasi nga alam niya kikita eh.

Palagay namin, very valid nga ang suggestion na iyon ni Ai Ai, kailangan nga siguro ni Marian na makasama naman ang mga siguradong box office stars, lalo na nga si John Lloyd na lahat yata ng mga pelikulang ginagawa ay tumatabo sa takilya. Iyan kasing si Marian, kahit na nga sinasabi ng kanyang home network na prime time queen siya sa kanila, isang katotohanan na mahina siya pagdating sa pelikula. Iba kasi ang audience talaga ng TV at pelikula. Iyong mga nanonood ng pelikula ay kailangang magbayad.

Iyang Kung Fu Divas na iyan, tiyak kikita iyan dahil kay Ai Ai. Isa pa rin naman iyang si Ai Ai na ang lahat ng gawing pelikula ay kumikita, at saka siya ay galing sa isang napakalaking hit na pelikula, na sumira sa mga box office records. Si Ai Ai nga yata ang katapat ni John Lloyd sa takilya eh.

Si Marian, masakit man sigurong aminin pero flop ang kanyang huling pelikula. Hindi naman na-pull out pero napakahina. Siguro isa nga iyon sa mga dahilan kung bakit siya pinayagan ng Regal at ng GMA na gawin iyang Kung Fu Divas eh, kasi kailangan niyang makagawa ng isang hit movie na hindi nila nagagawa para sa kanya. Magandang diskarte naman iyang makasama siya ni Ai Ai.

Hindi rin naman siguro siya kayang angatin ng isang pelikulang ang partner niya ay ang syota niyang si Dingdong Dantes, dahil iyong huling pelikula niyon, nilamok kami sa loob ng sine. Naglakas loob ba namang sumabay kay Superman eh, ‘di binugbog nang husto ang pelikula niya.

Kaya tama si Ai Ai, ang dapat na makatambal niya ay sina John Lloyd o kaya si Coco para umangat nang kaunti pa ang kanyang career. Kaso, papayag ba naman ang ABS-CBN na ang kanilang stars ay magamit sa pag-angat ng isang artistang hindi naman kanila?

Ed de Leon

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *