Saturday , September 22 2018
Breaking News
You are here: Home / News / Opisyal ng Bilibid utas sa ambush

Opisyal ng Bilibid utas sa ambush

NAPATAY ang 62-anyos opisyal ng New Bilibid Prisons (NBP) matapos pagbabarilin ng hindi kilalang lalaki sa hindi pa mabatid na dahilan habang lulan ng kanyang sasakyan sa Muntinlupa City kahapon ng umaga.

Dead-on-arrival sa Medical Center Muntinlupa dahil sa tatlong tama ng bala sa kanyang katawan ang biktimang si Supt. III Francisco Abunales, nakatalaga sa office of the director ng NBP at residente ng Apartment 3, Vicar Village, E Rodriguez St., NBP Reservation, Poblacion, Muntinlupa.

Samantala isinugod din sa nabanggit na ospital ang biktimang si Jose Naborte, 36, at residente rin sa naturang lugar sanhi ng tama ng ligaw na bala sa kanang binti.

Ayon sa pulisya dakong 8:30 a.m. nang maganap ang pangyayari sa harap ng bahay ng biktima habang lulan ng minamanehong Mitsubishi Pajero, kulay asul (UBU-872).

Nabatid sa imbestigasyon, paalis na ng bahay ang biktima upang pumasok ng opisina kasama ang kanyang anak na si Francis Abunales nang tambangan ng dalawang ‘di kilalang lalaki na magkaangkas sa motorsiklo.

Agad pinagbabaril ng isa sa suspek ang matandang Abunales ngunit nagawag makaganti ng putok ng anak na si Francis na hinihinalang tinamaan at nasugatan ang isa sa suspek na tumakas matapos isagawa ang krimen.

Tinamaan naman ng ligaw na bala ang bystander na si Naborte.

Narekober sa pinangyarihan ang limang basyo ng kalibre .45 pistola at pitong bala ng 9mm.

(MANNY ALCALA/JAJA GARCIA)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved