Friday , March 29 2024

Jueteng ni Manuela sa South Metro protektado ng PNP?!

00 Bulabugin
MATINDI raw ang largahan ng 1602 ngayon sa SOUTH METRO.

Ipinangangalandakan kasi ng isang alyas MANUELA ALLAN na protektado sila ni Philippine National Police (PNP) chief, Dir. Gen. Alan Purisima.

Sa katunayan nga raw ay isang BOBOT LESPU ang may dala sa mga bangkang sina LEO at ALVAREZ na ‘imported’ pa from Batangas.

Habang ang ‘bangka’ naman ni alyas Mayor BISEO ay tatlong araw nang humahataw sa area ng Southern Police District (SPD).

Nagrereklamo na rin daw si Alvarez dahil mukhang kumuha lang sa kanya ng ‘GOODWILL’ na P3 milyones si alyas MANUELA pero ang pinalarga ay ang ‘bangka’ ni BISEO.

Tsk tsk tsk …

Hindi na tayo nagtataka kung bakit kahit saan ka magpunta sa South Metro ay kalat na kalat ang 1602.

Malakasan ang hatagan, may bukulan na, may onsehan pa …

PNP chief, Dir. Gen. Alan Purisima Sir, kaladkad na kaladkad ni MANUELA TENGWE ALLAN ang pangalan mo …

Okey lang ba sa iyo ‘yun?!

MAG-INGAT SA TAXI NA MAY PLAKANG UWA 501 (ATTN: LTO, LTFRB, MMDA)

SA LAHAT po ng taxi rider lalo na ‘yung mga babae, mag-ingat po kayo sa taxi na may plakang UWA 501.

Nitog nakaraang Martes (Setyembre 10, 2013 bandang 9pm) isang estudyanteng babae po ang sumakay mula sa Robinson’s Manila patungong Cubao.

Pumatak po ang metro, kulang P200. Aba sinisingil ‘yung estudyante ng P500.

Nang ayaw magbigay ng P500 no’ng estudyante, ini-lock ng tarantadong  taxi driver ang mga pinto.

Nagmakaawa ‘yung bata para pakawalan ng tarantadong driver.

Paging LTFRB & LTO, paki-monitor lang po ang taxi na may plakang UWA 501, baka marami pang mabiktima ‘yan!

Malinaw na paglabag ‘yan sa Violence Against Women and Children Act.

Tanggalan ng lisensiya ang hinayupak na driver, kasuhan at ikulong!

SEC. RICKY CARANDANG UMAASTANG ABOGAGO ‘este ABOGADO NI PNOY

ANG LUPIT mo talaga Secretary Ricky Carandang.

Ngayon ka pa nag-aastang ‘ABOGADO’ ni Pangulong Noynoy  kung kailan naglabasan na ang mga retratong magkasama sila ni Janet Lim Napoles at anak na si Jeane.

Ginawa n’yo pang parang loro si PNoy nang sabihin  na hindi niya kilala si Napoles at wala umano siyang natatandaan na nagkita sila sa isang okasyon.

‘E NABOKYA … naglabasan pa ‘yung ibang photo ni PNoy at Napoles …at para hindi na sila mapahiya, ay mismong palasyo na ang nagpalabas ng retrato.

Tsk tsk tsk … nakahihiya talaga kayong mga taga-Palasyo.

Ang laki ng mga sweldo ninyo d’yan, pero hindi ninyo magawang proteksiyonan ang imahe ng Pangulo?!

Aba magpakita naman kayo ng galing!

Nagiging aboga-abogadohan lang kayo kapag nabobokya ang Pangulo ‘e.

MAGTRABAHO kayo nang maayos oy!

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *