Friday , March 29 2024

Kaguluhan sa Mindanao pakana ng gobyerno?

ANG kaguluhan sa Zamboanga ay pakana umano ng kasalukuyang administrasyong Aquino upang mapagtakpan ang multi-bilyong pisong pork barrel scam na sinasabing kinasasangkutan din ng mga pul-politikong kaalyado ni Pangulong Benigno Simeon Aquino III.

Ayon sa pahayag ni retired Bishop Oscar Cruz ang “pangungubkob sa Zamboanga” ay may basbas mula ilang maiimpluwensyang tao sa Malacañang para mailigaw ang sambayanyan sa isyu ng pork barrel. Ganito rin ang pahayag ng abogado ng MNLF sa mga mamamahayag.

“There is the so-called diversionary tactic. What is that? In order to deviate the attention of people from one issue, other issues will be made to surface…This crisis in Mindanao will divert the attention of the peoples from the pork barrel… There are people surrounding the president, who are very expert in these things,” he said.

Hindi natin alam kung totoo ang mga ibinibintang ni Bishop Cruz sa palasyo pero hindi imposibleng mangyari iyon. Totoong may mga “operator” na nagtatrabaho sa Malacañang na sanay na sanay sa ganitong mga estilo.

Kaya kahit na ano pang mangyari, hindi dapat mawala sa atensyon natin ang usapin ng pork barrel. Dapat magbayad ang mga magnanakaw ng ating pera. Dahil sa mga magnanakaw na ‘yan naghihirap tayo ngayon.

* * *

Ang mga palusot ng mga pul-politkong naiuugnay kay Janet Lim Napoles, ang pangunahing isinasangkot ngayon sa pork barrel, ay nakasusuka. Akalain ninyo na matapos nilang makasama sa maraming party at kainan ay hindi raw nila kilala.

Hahahahaha…ginagawa nila tayong mga tanga nang harap-harapan. Lokohin ninyo ang mga lelang ninyo. Matapos kayong maglagak nang limpak-limpak na salapi sa mga umano ay non-government organization ni Napoles (na non-existent pala) e hindi na ninyo siya kilala. Hahahahahaha o baka dapat ay bwahahahaha.

Kawawa naman si Napoles. Wala palang nakakikilala sa kanya kahit na kaututang dila na niya ang mga kasama niya sa litrato ng ilang beses. Grabe pala ang mga taong kausap niya…kunwari close sila pero pakitang tao lang pala…

Isa lamang ito sa napakaraming patunay na walang paninindigan ang mga hinayupak na pul-politikong ‘yan. Ipagkakanulo nila kayo kapag naipit na sila nang husto.

* * *

Sana ay hindi na matuloy pa ang balak ng United States na bombahin ang Syria at nang hindi na lalong magkagulo pa sa Gitnang Silangan at maapektohan ang mga kababayan natin. Malinaw naman na ang pangunahing gustong mangyari ng Amerika ay bunga lamang ng adventurismo at segunda razon na lamang ang makatulong sa mga taong nahihirapan doon.

Lalong lalakas ang mga pundamentalista sa lugar na iyon kung makikialam ang U.S. at mga kaalyado nila. Hayaan dapat na United Nations ang dumiskarte ng solusyon nang maging lehitimo ang lahat ng kilos.

* * *

Kung ibig ninyong maligo sa isang pribadong hot spring pumunta kayo sa Infinity Resort, Indigo Bay Subdivision, barangay Bagong Kalsada, Lungsod ng Calamba. Malapit lamang sa Kalakhang Maynila at mula sa resort na ito ay tanaw ninyo ang banal na bundok Makiling.

Kontakin ninyo si Gene Lorenzo sa [email protected] para sa karagdagang impormasyon.

Nelson Forte Flores

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *