Friday , November 16 2018
Breaking News
You are here: Home / News / ‘No Remittance Day’ tinangkang awatin ng Palasyo

‘No Remittance Day’ tinangkang awatin ng Palasyo

HINIMOK ng Malacañang ang mga overseas Filipino workers (OFWs) na pag-isipan muna ang planong “No Remittance day” na itinakda ngayong araw, Setyembre 9, bilang protesta sa kontrobersyal na pork barrel system.

Ayon kay Deputy Presidential Spokesperson Abigail Valte, dapat isaalang-alang ng mga OFW ang kapakanan ng kanilang pamilya sa pagtigil ng pagpapadala ng remittances.

Gayonman, nilinaw ng opisyal na iginagalang ng pamahalaan ang karapatan ng mga OFW sa pagpapahayag ng kanilang saloobin.

READ MORE:  Wage hike pinag-aaralan ng DoLE

Una rito, nanawagan ang grupong Migrante sa mga manggagawang Filipino sa labas ng bansa na itigil ng isang araw ang pagpapadala ng remittances bilang pakikiisa sa panawagan na buwagin na ang Priority Development Assistance Fund (PDAF) ng mga senador at kongresista. (ROSE NOVENARIO)

‘EDSA TAYO’ TULOY NA SA SEPT. 11

TINIYAK ng organizer ng “EDSA Tayo” na tuloy ang kanilang pagtitipon sa Miyerkles, Setyembre 11.

READ MORE:  Lady tanod itinumba

Ayon kay Mr. Junep Ocampo, organizer ng “EDSA Tayo,” 11 a.m. mag-uumpisa ang pagtitipon-tipon sa EDSA para sa prayer vigil at dakong 5 p.m. magtatapos.

Hinikayat naman ni Ocampo ang publiko na makiisa sa prayer vigil at sabay-sabay ipanalangin sa Diyos ang bansa at ipakita kay Pangulong Benigno “Noynoy” Aquino III na talagang nais ng taumbayan na tuluyang buwagin ang pork barrel system.

READ MORE:  Facial recognition camera ikinabit sa NAIA terminals

Sa kabilang dako, tiniyak ni Ocampo na isa itong prayer vigil at malayo na magiging sanhi ito ng kaguluhan.

Samantala, una nang sinabi ni PNP PIO chief, Senior Supt. Reuben Theodore Sindac na nakipagpulong na si Ocampo at ilang mga opisyal ng NCRPO upang matiyak ang seguridad sa nakatakdang prayer vigil.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved