Wednesday , November 14 2018
Breaking News
You are here: Home / News / 3 todas, 3 sugatan sa hotel holdup

3 todas, 3 sugatan sa hotel holdup

TATLO katao ang namatay sa naganap na robbery holdup sa isang hotel sa Batangas City kahapon ng madaling araw.

Ayon kay Supt. Nicolas Torre, hepe ng Batangas City Police, patay ang dalawang hinihinalang mga holdaper at ang lady cashier sa naganap na insidente sa loob ng El Richland Travel Lodge in Brgy. Sorosoro Karsada, Batangas City dakong 2:45 a.m.

Sinabi ni Torre, sugatan ang isa pang hinihinalang holdaper at dalawang room boy ng hotel.

READ MORE:  SSS pension hike veto override idudulog kay Duterte

Aniya, tumawag sa telepono ang may-ari ng travel lodge sa information desk nito. May dumampot aniya sa telepono at narinig niya ang boses ng cashier sa background na humihingi ng tulong.

Pagkaraan ay nakarinig ang may-ari ng travel lodge ng ilang putok ng baril kaya napilitan siyang magtungo sa nasabing establisyemento.

“Umalis siya (owner) pero may nakalimutan siya kaya tumawag siya sa front desk. But this time ‘di na sinasagot. Tawag siya nang tawag until somebody picked up the phone pero ‘di nagsasalita. Ang narinig niya ngayon, on the background ang cashier nagsasabing ‘tulungan niyo kami.’ And then he heard a gunshot,” salaysay ni Torre.

READ MORE:  Bato, De Lima nagkainitan

Habang pabalik sa hotel, nasalubong niya ang dalawang suspek na lulan ng motorsiklo. Pinaputukan niya ang mga suspek na ikinamatay ng isa sa mga holdaper

READ MORE:  JS prom niratrat estudyante todas

Napilitan naman ang dalawa pang suspek na bumalik sa travel lodge nang dumating ang nagrespondeng mga pulis.

Pagkaraan ay tumakbo patungo sa katabing compound ang isang suspek ngunit binaril ng pulis na kanyang ikinasugat. Nagtago naman ang isa pang suspek na sinasabing lider ng grupo sa opisina ng travel lodge ngunit binaril at napatay ng pulis.

(JETHRO SINOCRUZ/BETH JULIAN)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved