Sunday , September 23 2018
Breaking News
You are here: Home / News / Napoles pakantahin — Miriam

Napoles pakantahin — Miriam

INIHAYAG ni Senadora Miriam Defensor-Santiago na dapat nang isulat ni Janet Lim Napoles ang kanyang testimonya kaugnay sa pork barrel scam bago may masamang mangyari sa akusado.

“Any adverse event could prevent Napoles from fully identifying the senators and congressmen with whom she had PDAF transactions. For example, any of the suspects could hire operatives to silence her, or she might inflict physical damage on herself. She might contract a life-threatening ailment. For any of these reasons, the Rules of Court allows her to give her testimony well before trial,” pahayag ni  Santiago.

Aniya, ang prosesong ito ay tinatawag na “perpetuation of testimony,” na pinahihintulutan ang pagpreserba sa testimonya habang hindi pa ginaganap ang paglilitis.

Aniya, ang ganitong uri ng deposisyon ay bahagi ng pretrial phase.

“If Napoles decides to perpetuate her testimony in order to reduce the level of threats to her security, she has to file a verified petition in court,” aniya pa.

Sa nasabing petisyon ay dapat nakasaad ang pangalan ng mga tao na sinasabi ni Napoles na nag-transfer ng pork funds, ayon sa senador.

“It can reasonably be expected that Napoles will name the senators and representatives as expected adverse parties. The Rules require her to serve notice at least 20 days before the date of hearing.” (HNT)

SPECIAL TREATMENT INAMIN NI ROXAS

AMINADO si Interior and Local Government Secretary Mar Roxas na nagkaroon ng special treatment kay Janet Lim-Napoles, ang mastermind ng multi-billion peso pork barrel scam na kinasasangkutan ng ilang senador at kongresista.

Inihayag ito ni Roxas sa kanyang pagdalo sa pagdinig ng Senado ukol sa panukalang budget ng DILG.

Binigyang-linaw ni Roxas  na kung nagbigay man sila ng special treatment kay Napoles ay hindi dahil VIP siya kundi upang matiyak ang kanyang kaligtasan sa layunin na masagot niya ang kanyang kaso sa harap ng mga impormasyon na maraming nalalaman sa maanomalyang paglustay ng bilyon-bilyong pisong halaga ng pork barrel ng mga mambabatas.

“Itong mga so called special treatment, VIP treatment, nangyayari ito hindi dahil sa siya (Napoles) ay VIP, nangyayari ito dahil nais ng gobyerno na buhay siya para maharap ang buong proseso ng paglilitis,” ani Roxas.

Ibinunyag pa ni Roxas na mismong si Pangulong Benigno Aquino III ang nag-utos na tiyakin ang kaligtasan ni Napoles dahil tiyak na ang gobyerno ang sisisihin at maaaring pagbintangan kapag may nangyaring masama sa akusado.

(NIÑO ACLAN/

CYNTHIA MARTIN)

JANET DUMANAS NG ANXIETY ATTACK

TINIYAK ng Philippine National Police (PNP) na nasa maayos nang kalagayan ang negosyanteng si Janet Lim-Napoles matapos makaranas ng “anxiety attack” kahapon ng umaga sa loob ng kanyang detention cell sa Fort Santo Domingo sa Sta. Rosa, Laguna.

Ayon kay PNP spokesman S/Supt. Ruben Theodore Sindac, bukod sa sakit na diabetes mayroon din “claustrophobic disorder” si Napoles at hindi sanay sa isang maliit at saradong area.

Napag-alaman na ang detention facility ni Napoles ay may sukat na 82.4 square meters at napapalibutan ng rehas ang mga bintana, pintuan at maging ang kisame ng gusali.

Batay sa pagsusuri ng mga doktor, bumagsak sa 40 milligrams per deciliter ang sugar level at tumaas sa 180/150 ang blood pressure ng akusado.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved