Sunday , September 23 2018
Breaking News
You are here: Home / News / Bading reunion nauwi sa saksakan

Bading reunion nauwi sa saksakan

NAGING madugo  ang masayang reunion ng grupo ng mga bading nang magkapikonan ang dalawang bisita na humantong sa pananaksak kamakalawa ng madaling araw sa Pasay City.

Inoobserbahan pa sa Mandaluyong City Medical Center ang biktimang si Rick Unido, 34, X-ray technician ng 18 Katarungan St., Brgy Fairview, Quezon City, sanhi ng saksak sa kaliwang bahagi ng katawan at kaliwang braso.

Arestado ng awtoridad ang suspek na si Reggie Nuestro, 20, estudyante ng 234 Sixto Avenue, Pasig City, matapos siyang pigilang makatakas ng mga kasamahan

Ayon kay Chief Insp. Joey Goforth, hepe ng Station Investigation and Detective Management Section (SIDMS), pasado alas-2:00 ng mada-ling araw, nag-reunion ang grupo ng mga ba-ding, kasama ang suspek at biktima sa  Six Plus One Videoke bar sa Luna Street,  na tumagal ng halos dalawang oras.

Masayang nag-inuman at nagkakantahan ang grupo, at nang naglalakad na sila para umuwi, sa kahabaan ng  Li-bertad Street, nagkaroon ng mainitang pagtatalo sina Unido at Nuestro na nauwi sa pagsusuntukan.

Umawat naman ang kanilang mga kasama-han ngunit biglang kinuha ni Nuestro ang dalang gunting at inundayan ng saksak ang biktima.

(JAJA GARCIA)

COMMENTS

About hataw tabloid

Scroll To Top
 

Copyright hatawtabloid.com | All Rights Reserved