14 rape case isinampa vs 18-anyos kelot (13-anyos ilang ulit ginahasa)

SINAMPAHAN ng 14 bilang ng kasong rape at ikinulong ang isang 18-anyos na binatilyo matapos gahasain ang kanyang 13-anyos textmate.

Inaresto ang suspek na sinabing no. 1 most wanted person sa Dupax del Sur, Nueva Vizcaya sa bisa ng warrant of arrest na ipinalabas ni Judge Paul Atolba ng Regional Trial Court Branch 30 sa Bam­bang, Nueva Vizcaya.

Ipinahayag ni C/Insp. Ryan del Malanta, hepe ng Dupax del Sur police station, sinundo ng suspek ang kanyang textmate sa Kayapa, Nueva Vizcaya at dinala sa Banila, Dupax del Sur.

Ayon sa 13-anyos na biktima, hindi siya pinauwi ng suspek sa loob nang isang linggo at ilang ulit siyang ginahasa.

Agad nagsumbong ang dalagita sa kanyang tiyuhin nang siya ay makauwi at sinamahang magtungo sa himpilan ng pulisya saka sinampahan ng kaso ang suspek.